முதற்படி முதலில் படி!
கடந்த பல வாரங்களாக பங்குச் சந்தை குறித்த அடிப்படை விஷயங்களை உங்களுக்குச் சொல்லி இருக்கிறேன். நீண்டகால முதலீட்டை லாபகரமாகச் செய்ய நான் சொல்லி இருக்கும் விஷயங்களே போதுமானவை. சந்தையில் நிகழும் மாற்றங்களை செய்தித்தாள்கள் படிப்பதன் மூலம் அறிந்து உங்கள் அறிவை தொடர்ந்து பெருக்கிக் கொள்ளுங்கள். பங்குச் சந்தையில் பாதுகாப்பான முறையில் கணிசமான லாபத்தைச் சம்பாதிக்க வாழ்த்துக்கள்! பங்குச் சந்தை தொடர்பான ஆரம்பப் பாடங்கள் முடிந்து விட்ட நிலையில், இனி உங்களுக்கு இருக்கும் சந்தேகங்களைக் கேட்கலாம் என கடந்த இரண்டு இதழ்களில் அறிவித்ததைத் தொடர்ந்து, பல ஆயிரம் வாசகர்கள் தங்கள் சந்தேகங்களைக் கேட்டிருக்கிறார்கள். அவற்றில் சிலவற்றுக்கு இங்கே பதில் சொல்கிறேன்.
இளங்கோ கண்ணன், மதுரை.
என் மகன் இப்போது 9-ம் வகுப்பு படிக்கிறான். அவனுக்கு பங்குச் சந்தையை அறிமுகப்படுத்தி, அடிப்படையான விஷயங்களைக் கற்றுத் தரலாமா?''தாராளமாக! இன்னும் சிறு வயதில்கூட அறிமுகப் படுத்தலாம். ஆனால், ஒரு நீண்டகால முதலீட்டாளராக அறிமுகப்படுத்துங்கள்; தினசரி டிரேடராக/ ஸ்பெக்கு லேட்டராக பங்குச் சந்தையை அறிமுகப்படுத்தாதீர்கள்! பங்குச் சந்தையை ஒரு விளையாட்டாக விளையாடி குழந்தைகளுக்கு கற்றுத் தர விரும்புகிறவர்கள் http://www.neopets.com/ என்கிற இணையதளத்திற்குள் சென்று ஸ்டாக் மார்க்கெட் என்று தேடினால் உங்களுக்கு அற்புதமான ஒரு விளையாட்டு கிடைக்கும். இதில் உலக நிதிச் சந்தையைப் பற்றிய அறிவையும், அது எவ்வளவு இன்றியமையாதது என்பதையும், அதில் அவர்களுக்கு என்னென்ன வாய்ப்புகள் இருக்கின்றது என்பதைப் பற்றியும் கற்றுத்தரும்.''
எஸ்.விவேகானந்தன், கரூர்.
நான் வங்கித் துறை, மருத்துவத் துறை பங்குகளில் மட்டுமே முதலீடு செய்து வருகிறேன். இந்த என் அணுகுமுறை சரியா?
''ஒரு சாதாரண முதலீட் டாளர் பல துறைகளைச் சேர்ந்த பங்குகளில் முதலீடு செய்வதே சரியான முடிவாகும். பங்குச் சந்தையைப் பொறுத்தவரை, துறைகளின் வளர்ச்சியில் சுழற்சி இருக்கும். உதாரணமாக, கடந்த சில ஆண்டுகளாக இன்ஃப்ரா துறை அடிபட்டு இருக்கிறது. அதே சமயத்தில் எஃப்.எம்.சி.ஜி., பார்மா மற்றும் வங்கித் துறைகள் நன்றாக வளர்ந்துள்ளன. அடுத்த சுழற்சியில் இது மாறலாம். எனவே, அதை அறிந்து முதலீடு செய்யவும். நீங்கள் இந்த இரு துறைகளில் மட்டுமே முதலீடு செய்ய விரும்பினால், அத்துறை எப்போதெல்லாம் அடிபடுகிறதோ, அப்போது மட்டுமே வாங்கவும். மேலும், இந்த இரு துறைகளில் மட்டுமே முதலீடு செய்யும்போது அவற்றைப் பற்றிய பரிச்சயம் உங்களுக்கு அதிகமாக இருப்பதும் அவசியம்!''
எல்.மாசிலாமணி, திருச்சி-5
நான் ஓய்வுபெற்ற அரசு ஊழியர். பங்குச் சந்தை ஓய்வு பெற்றவர்களுக் கானதல்ல என்கிறார்கள். ஆனால், என் நண்பர்கள் பலரும் பங்குச் சந்தையில் பணம் போட்டு வைத்திருக்கிறார்கள். எனக்கு ஆசையாக இருக்கிறது. நானும் முதலீடு செய்யவா?''பங்குச் சந்தை முதலீடு பலருக்கும் பல வகைகளில் உதவுகிறது. சில ஓய்வு பெற்றவர்கள் தங்களின் நேரத்தைச் செலவழிப்பதற்காக பங்குச் சந்தையில் முதலீடு செய்கிறார்கள். நீங்கள் வசதியானவர் (உங்களின் அன்றாடத் தேவைகளுக்கு மேல் உங்களிடம் பணம் இருக்கும் பட்சத்தில்) என்றால், பங்குச் சந்தையினால் ஏதேனும் நஷ்டம் ஏற்பட்டால் அது உங்களையும் உங்கள் குடும்பத்தினரையும் பாதிக்காது என்றால் நீங்கள் பங்குச் சந்தையில் முதலீடு செய்யலாம். உங்கள் அன்றாட தேவைகளுக்கான பணத்தை பங்குச் சந்தையில் முதலீடு செய்யாதீர்கள். டே டிரேடிங் கிலும் ஈடுபடாதீர்கள்.''
எம்.அர்ஜுன், சென்னை.
நான் லாங் டைம் இன்வெஸ்டர். '2,500 ரூபாய் கட்டினால் டெக்னிக்கல் அனாலிசிஸ் சொல்லித் தருகிறோம்... நிறைய லாபம் பார்க்க முடியும்’ என்று எனக்கு அடிக்கடி அழைப்பு விடுக்கிறது ஒரு நிறுவனம். இத்தகைய வகுப்புகளுக்கு போவது நல்லதா?''எத்துறையிலும் அறிவைப் பெருக்கிக் கொள்வது நல்லதே! உங்களிடம் பணம், விருப்பம் மற்றும் நேரம் இருக்கும்பட்சத்தில் நன்றாகக் கற்றுக் கொள்ளுங்கள். அதனால் நல்ல லாபம் பார்க்கிறீர்களா இல்லையா என்பதுதான் கேள்வி. முதலில் மேக்ரோ மற்றும் மைக்ரோ எக்கனாமியைப் பற்றி கற்றுக் கொள்ளுங்கள். பிறகு நிறுவனங்களின் ஆபரேஷன்ஸ் மற்றும் நிதி நிலைமை குறித்து ஆராயக் கற்றுக் கொள்ளுங்கள். மூன்றாவதாக, டெக்னிக்கல் அனாலிசிஸை கற்றுக் கொள்ளுங்கள். வெறும் டெக்னிக்கல் அனாலிசிஸை மட்டுமே வைத்து பணம் சம்பாதிப்பது கடினமே!''
காயத்ரி சிவராமன், அம்பத்தூர்.
பங்குச் சந்தையில் நான் சொல்கிறபடி முதலீடு செய்யுங்கள். 100% வருமானம் நிச்சயம் என்று அடித்துச் சொல்கிறார் ஒருவர். அவரை நம்பி 2 லட்ச ரூபாய் பணத்தைப் போடலாமா?''சில இதழ்களுக்கு முன்பு இதுபற்றி தெளிவாக குறிப்பிட்டி ருந்தேன். என்னுடைய பதில், ஒரு போதும் செய்யாதீர்கள் என்பதே! 100% லாபம் சம்பாதிப்பது உறுதி என்றால், அந்த லாபத்தை அவரே சம்பாதித்துக் கொண்டு போகலாமே! மற்றவர்களுக்கு கொள்ளை லாபம் சம்பாதித்துத் தரவேண்டும் என்று அவருக்கு வேண்டுதலா என்ன? சமீபகாலமாக சிலர் இன்னொரு புது டெக்னிக்கையும் பயன்படுத்தி வருகிறார்கள். 100 சதவிகித லாபம் நிச்சயம் என்பதோடு நிற்காமல், நஷ்டத்தில் அதை அவர்கள் ஏற்றுக் கொள்வதாகவும், இதை பத்திரத்தில் எழுதித் தரத் தயார் என்றும் சொல்கிறார்கள். ஆனால், இந்த பத்திரத்தை எங்கும் ரிஜிஸ்டர் செய்ய முடியாது. எனவே, நாளைக்கு உங்களுக்கு நஷ்டம் வந்தால் உங்களால் எங்கும் புகார் செய்ய முடியாது. எனவே, ஜாக்கிரதை!''
டி.நவநீத கிருஷ்ணன், காங்கேயம்.
நான் தனியார் கம்பெனி ஒன்றில் வேலை பார்க்கிறேன். டே டிரேடிங்கில் சராசரியாக ஒரு நாளைக்கு 500 ரூபாய் லாபம் பார்க்கிறேன். நான் பார்க்கும் வேலையை விட்டுவிட்டு, முழு நேரமாக டே டிரேடிங் செய்யலாமா?''உறுதியாகச் செய்யாதீர்கள்! டே டிரேடிங்கில் தொடர்ந்து சம்பாதித்தவர்கள் உலகில் வெகு சிலரே! அதில் உறுதியாக லாபம் கிடைக்கும் என்று சொல்ல முடியாது. இதுநாள் வரை உங்களுக்கு கிடைத்தது தற்செயலான விஷயமாக இருக்கலாம். அதையே சாஸ்வதம் என்று நினைத்து, வேலையை விட்டீர்கள் எனில் மாட்டிக் கொள்வீர்கள்.''
எஸ்.முத்துசாமி, அம்பாசமுத்திரம்.
நான் கடந்த மூன்று மாதத்திற்கு முன்புதான் பங்குச் சந்தை வணிகத்தில் இறங்கினேன். அதுவும் மாதம் மூன்று பங்குகள் என்கிற அடிப்படையில் கோல் இந்தியா நிறுவனப் பங்குகளை வாங்கியுள்ளேன். நீண்ட கால முதலீட்டிற்கு இதே அடிப்படையில், தொடர்ந்து ஒரே நிறுவன பங்குகளை மட்டும் வாங்கினால் சரியான அணுகுமுறையாக இருக்குமா? அல்லது வெவ்வேறு நிறுவன பங்குகளை வாங்கலாமா?''நிலக்கரி நம் நாட்டிற்கு எப்போதும் தேவையான ஒன்றுதான். அதனால், அந்நிறுவனத்தின் பங்குகள் நீண்ட காலத்தில் நன்றாகச் செயல்படும். இருந்த போதிலும் உங்களது ரிஸ்க்கை குறைத்துக் கொள்வதற்காக, கோல் இந்தியா நிறுவனத்தைப் போன்ற பெரிய பங்குகள் இன்னும் சிலவற்றை சேர்த்துக் கொள்ளுங்கள் (உதாரணத்துக்கு எஸ்.பி.ஐ., ஐ.டி.சி., ஓ.என்.ஜி.சி., எல் அண்ட் டி.) உங்கள் ரிஸ்க் குறைந்து, நீண்டகால நோக்கில் நல்ல பலன் கிடைக்கும்.''
முற்றும்.
தேசிய பங்குச் சந்தை (என்.எஸ்.இ) தனது இணைய தளத்தில் புகார் செய்வது பற்றிய விவரங்களை தெளிவாகத் தந்துள்ளது. ஆன்லைன் மூலமாகவும் புகாரை பதிவு செய்யலாம். தபால்/கூரியர் மூலமாகவும் புகாரை பதிவு செய்யலாம். அதற்குத் தேவையான விண்ணப்பப் படிவங்கள் இணையதளத்தி லேயே உள்ளன.
எல்லா மாதமும் கிடைக்குமா?
பெயரிலேயே 'மன்த்லி இன்கம்’ என்று இருப்பதால் ஒவ்வொரு மாதமும் வருமானம் கிடைக்கும் என்று சொல்லிவிட முடியாது. பல மாதங்களில் கொடுப்பார்கள்; சில மாதங்களில் கொடுக்காமல்கூட இருக்கலாம். ஏன் இப்படி என்று கேட்கிறீர்களா? முதலீட்டின் மீது கிடைக்கும் வருமானத்தைப் பொறுத்தே டிவிடெண்ட் தரப்படும். சந்தை இறங்கும் சமயத்தில் வருமானம் இல்லாமல் போகும் என்பதால், அந்த மாதத்தில் டிவிடெண்ட் கொடுக்க மாட்டார்கள்.
''தங்கத்தின் விலை முன்பு மாதிரி ஒரே காரணத்தைக் கொண்டு தீர்மானிக்கப் படுவதாக இல்லை. அன்றைய தினத்தில் உலக அளவில் என்ன நடக்கிறதோ, அதைப் பொறுத்தே விலையில் ஏற்றம், இறக்கம் இருக்கிறது. அதனால் இந்த காரணத்திற்காகத்தான் விலை ஏறுகிறது என்று யாராலும் தெளிவாக யூகிக்க முடிவதில்லை.
ஒரு பொருளின் விலை தொடர்ச்சியாக எட்டு ஆண்டுகள் உயராது. ஆனால், தங்கத்தின் விலை கடந்த எட்டு ஆண்டுகளாக தொடர்ந்து உயர்ந்து வருகிறது. இந்த நேரத்தில் டெக்னிக்கலாக ஒரு விலை இறக்கம் வரவேண்டும். ஆனால், அந்த இறக்கம் தற்போது வராததற்குக் காரணம், அமெரிக்கா மற்றும் ஐரோப்பிய நாடுகளில் ஏற்பட்டிருக்கும் பொருளாதாரப் பிரச்னைகளே! இந்த நாடுகளில் அரசு பாண்டு பத்திரங்களில் முதலீடு செய்திருக்கும் முதலீட்டாளர் களுக்கு அந்தப் பணத்தை திருப்பிக் கொடுக்கும் அளவுக்கு அமெரிக்க அரசிடம் தற்போது பணம் இல்லை. இப்படி ஒரு நிலை அமெரிக்காவில் ஏற்பட்டிருப்பது இதுவே முதல் தடவையாகும். புதிதாகப் பணத்தை அச்சடித்து வெளியிட்டால் டாலரின் மதிப்பு குறையும். அப்படி வெளியிடாவிட்டால் அமெரிக்க பொருளாதாரம் நொடிந்து போகும். அப்படி நொடிந்து போனால் டாலரின் மதிப்பு வீழ்ச்சி அடையும். இதற்குப் பயந்தே பலரும் கையிலிருக்கும் டாலரை விற்று, தங்கத்தை வாங்குகிறார்கள். இதனால்தான் இப்போது தங்கத்தின் விலை ஏறுகிறது.
4. அலுத்துக் கொள்ளாமல் பங்குச் சந்தையில் முதலீடு (passive investment) செய்ய விரும்புபவர்களுக்கு இ.டி.எஃப்.கள் பெஸ்ட் சாய்ஸ். இத்தகைய முதலீடுகளை 'கவலை இல்லாத முதலீடு’ (in-vestment minus worries) என்றும் கூறலாம்.
பத்திரங்களையும் ஆவணங்களையும்போல அல்லாமல் சில நிமிடங்களி லேயே தங்க நகையின் தரத்தை யும் மதிப்பையும் சோதித்து அறிந்து கொள்ள முடியும். இந்த கையில் நகையைக் கொடுத்து அந்த கையில் பணத்தை எளிதாக வாங்கி விடலாம்! 
ஃபிக்ஸட் டெபாசிட்டுக் கான ஆவணத்தைக் கொடுத்து வங்கிகளில் எளிதில் கடன் வாங்கலாம். ஃபிக்ஸட் டெபாசிட்டில் இருக்கும் தொகையில் அதிக பட்சம் 90% வரை கடன் கிடைக்கும். வட்டியைப் பொறுத்தவரை ஃபிக்ஸட் டெபாசிட் மூலம் கிடைக்கும் வட்டியைவிட கூடுதலாக ஒரு சதவிகிதம்தான் இருக்கும். கடனைத் திரும்பச் செலுத்தத் தவறினால், முதலீடு செய்திருக்கும் காலம் முடி வடைந்தவுடன் வட்டி போக மீதித்தொகையை திருப்பித் தருவார்கள்..