பங்குச்சந்தை ஆத்திச்சூடி..- 32

பங்குச்சந்தை ஆத்திச்சூடி..

ஷேர் மார்க்கெட்டில் நுழைய விரும்பும் புதியவர்களுக்கான வழிகாட்டித் தொடர்!

சென்ற வாரத்தில் 'காஸ்ட் ஆஃப் ஈக்விட்டி’ மற்றும் 'டிஸ்கவுன்ட் ரேட்’டை கண்டுபிடித்தோம். இவ்வாரம் 'டெர்மினல் வேல்யூ’வை கண்டுபிடித்து, அதன்மூலம் நிறுவனத்தின் மதிப்பைக் கண்டுபிடிப்போம்.

நாம் சென்றவாரம் கூறியதுபோல, நிறுவனம் என்பது வயதில்லாதது. எப்போதும் பணத்தை ஈட்டிக் கொண்டிருக்கும். ஆனால், நாம் கண்டுபிடித்த 'ஃப்ரீ கேஷ் ஃப்ளோ’ அடுத்த ஐந்து வருடங்களுக்குத்தான். அதற்குப் பிறகு வரப்போகும் 'கேஷ் ஃப்ளோ’வை கணக்கிடுவதற்குத்தான் 'டெர்மினல் வேல்யூ’வை கண்டுபிடிக்கிறோம். இந்த வேல்யூவைக் கணக்கிடுவதற்கு பலவிதமான முறைகள் இருந்தாலும், மிகவும் பரவலாக உபயோகிக்கப்படுவது 'கோர்டன் குரோத் மாடல்’ (Gordon Growth Model) என்பதாகும். அம்முறையை உபயோகித்து 'டெர்மினல் வேல்யூ’ கண்டுபிடிப்பதற்கான ஃபார்முலா கீழே கொடுக்கப்பட்டுள்ளது. 'டெர்மினல் வேல்யூ’வை கணக்கிடுவதற்கு நமது ஐந்தாவது வருட 'ஃப்ரீ கேஷ் ஃப்ளோ’ புரஜெக்ஷனைக் கணக்கில் எடுத்துக் கொள்ள வேண்டும்.
டெர்மினல் வேல்யூ =
[கணிக்கப்பட்ட கடைசி வருட ஃப்ரீ கேஷ் ஃப்ளோ X (1 + நீண்ட கால கேஷ் ஃப்ளோ குரோத் ரேட்)] / [டிஸ்கவுன்ட் ரேட் - நீண்ட கால கேஷ் ஃப்ளோ குரோத் ரேட்]
மேற்கண்ட ஃபார்முலாவில் தமிழ்நாடு கூரியரின் (கடைசி வருட) மார்ச் 31, 2016-ம் ஆண்டின் கணிக்கப்பட்ட 'ஃப்ரீ கேஷ் ஃப்ளோ’ .5.23 கோடி ( 523 லட்சம்) ஆகும். டிஸ்கவுன்ட் ரேட் சென்றவாரம் 15.41% என்று கண்டுபிடித்தோம். அடுத்த ஐந்து வருடங்களில் ஃப்ரீ கேஷ் ஃப்ளோவின் 'குரோத் ரேட்’ கிட்டத்தட்ட 16% என்று நாம் ஃபோர்காஸ்ட் செய்துள்ளோம். ஆனால், அதே 'குரோத் ரேட்’ எக்காலத்திலும் இருக்குமா என்றால், சந்தேகமே! ஆகவே, 'நீண்டகால கேஷ் ஃப்ளோ குரோத் ரேட்’டை நாம் 8% என வைத்துக் கொள்வோம். இந்த விவரங்களைக் கொண்டு கண்டுபிடிக்கப்பட்ட 'டெர்மினல் வேல்யூ’ இதோ:
டெர்மினல் வேல்யூ

= [5.23 ஜ் (1 + 8%)] /

  [15.41% - 8%]

= [5.23 ஜ் 1.08] / [0.0741]

= 76.23 கோடி

மார்ச் 31, 2016-ற்கு அப்பாற்பட்ட ஃப்ரீ கேஷ் ஃப்ளோவின் மதிப்பு 76.23 கோடி என்று கண்டுபிடித்து விட்டோம். இப்போது நாம் சில இதழ்களுக்கு முன்பு கண்டுபிடித்த மார்ச் 2016-வரைக்குமான ஃப்ரீ கேஷ் ஃப்ளோவிற்கும், மேலே கண்டுபிடித்த டெர்மினல் வேல்யூவிற்கும் நிகழ்கால மதிப்பை (என்.பி.வி அல்லது நெட் பிரஸன்ட் வேல்யூ), 15.41% என்று நாம் கண்டுபிடித்த டிஸ்கவுன்ட் ரேட்டை கொண்டு கண்டுபிடிக்க வேண்டும்.

சில இதழ்களுக்கு முன்பு டிஸ்கவுன்ட் ரேட்டை உபயோகித்து என்.பி.வி கண்டுபிடிப்பது குறித்து விவரமாக கண்டோம். மைக்ரோசாஃப்ட் எக்ஸெல் புரோகிராமின் உதவியுடன் இந்த என்.பி.வி-யைக் கண்டுபிடிப்பது மிகவும் எளிது. அவ்வாறு கண்டுபிடிக்கப்பட்ட என்.பி.வி மேலே கொடுக்கப்பட்டுள்ளது.
மார்ச் 2012 முதல் மார்ச் 2016 வரை உள்ள ஐந்து வருட கேஷ் ஃப்ளோ மற்றும் டெர்மினல் வேல்யூ ஆகியவற்றின் என்.பி.வி 44.91 கோடியாகும். இதற்காக நாம் உபயோகித்த டிஸ்கவுன்ட் ரேட் 15.41% ஆகும். இது நிறுவனத்தின் மொத்த மதிப்பாகும். இதிலிருந்து நிறுவனம் வாங்கியிருக்கும் மொத்தக் கடனை நாம் கழித்தால் கிடைப்பதுதான் ஷேர் ஹோல்டர் ஈக்விட்டியின் மதிப்பு. நமது தமிழ்நாடு கூரியர் நிறுவனம் 3.53 கோடி கடன் வாங்கியுள்ளது என சென்ற இதழில் பார்த்தோம். ஆக, ஷேர் ஹோல்டர் ஈக்விட்டியின் மதிப்பு = 44.91 - 3.53 = 41.38 கோடியாகும்.
நாம் சென்ற இதழில் தமிழ்நாடு கூரியர் கம்பெனியின் பங்கு மூலதனம் 5.30 கோடி என்று பார்த்தோம். அதாவது, 10 முகமதிப்பைக் கொண்ட 53 லட்சம் (0.53 கோடி) பங்குகளை வெளியிட்டுள்ளது. நாம் நிறுவனத்தின் ஈக்விட்டி மதிப்பு .41.38 கோடி என்று கண்டுபிடித்துள்ளோம். ஆக, ஒரு பங்கின் மதிப்பு = 41.38/ 0.53 = 78.08 ஆகும்.
நிறுவனத்தின் மொத்த ஈக்விட்டி மதிப்பை, வெளியிட்டுள்ள பங்குகளால் வகுத்தால் கிடைப்பதுதான் ஒரு ஷேரின் மதிப்பு. நமது தமிழ்நாடு கூரியர் கம்பெனியின் ஒரு பங்கின் நியாயமான மதிப்பு 78.08 ஆகும். இதையே 'இன்ட்ரின்ஸிக் வேல்யூ’ (intrinsic value) என்றும் கூறலாம். நீண்ட கால முதலீட்டாளர்கள் இந்த விலையில் இருந்து எவ்வளவு குறைத்து வாங்குகிறார்களோ அவ்வளவு நன்று.
பங்குகளை மதிப்பிடும் பல்வேறு வேல்யூவேஷன் முறைகளைப் பற்றி போதுமான அளவு சொல்லி விட்டேன். இனிவரும் வாரங்களில் பங்குச் சந்தையில் முதலீடு செய்வதற்கான வியூகங்கள், போர்ட்ஃபோலியோ, ரெகுலேஷன் போன்ற பலவற்றைப்பற்றியும் விரிவாகக் காண்போம்.

(படி ஏறுவோம்)

பியானியின் அடுத்த பிளான்!

ரீடெய்ல் துறையின் முக்கியமான நிறுவனங்களில் ஒன்று கிஷோர் பியானியின் பாண்டலூன். கடந்த ஒரு வருட காலமாக மற்ற போட்டி ரீடெய்ல் நிறுவனங்கள் ஏறுமுகத்தில் இருக்கும்போது, இந்த நிறுவனம் மட்டும் சரிவிலேயே இருக்கிறது. காரணம், இந்நிறுவனத்துக்கு இருக்கும் ஏராளமான கடன்கள்தான்.
இந்நிலையில் திடீரென கடனை அடைக்கும் முயற்சியில் தீவிரமாக இறங்கியிருக்கிறார் பியானி. இதற்காக 'ஃபியூச்சர் கேபிட்டல் ஹோல்டிங்’ நிறுவனத்தில் பாண்டலூன் முதலீடு செய்திருக்கும் 54 சதவிகித பங்குகளை விற்க முடிவு செய்திருக் கிறார். 'ஃபியூச்சர் கேபிட்டல் ஹோல்டிங்’ நிறுவனமும்  'பாண்டலூன் ரீடெய்ல்’ நிறுவனமும் ஃபியூச்சர் குழுமத்தின் அங்கங்கள்தான்!
இதற்கிடையே பாண்டலூன் நிறுவனத்தின் கடனைக் குறைப்பதில் பியானி காட்டும் ஆர்வத்துக்கு வேறு ஒரு காரணமும் சொல்கிறார்கள்... விரைவில் ரீடெய்ல் துறையில் அந்நிய முதலீட்டை அனுமதிப்பதற்கு அரசு பச்சைக்கொடி காட்டிவிடும் என்ற எதிர்பார்ப்பு ரீடெய்ல் வட்டாரத்தில் பலமாக இருக்கிறது. அப்படி அனுமதி கிடைத்துவிடும்பட்சத்தில், கடனில் தவிக்கும் பாண்டலூனில் அந்நிய முதலீட்டாளர்கள் முதலீடு செய்யாமல் போய்விடக்கூடும் என்பதால்தான் இந்த வேகம் காட்டுகிறார் பியானி. பிழைக்கத் தெரிந்த பிஸினஸ்மேன்தான்!

வா.கார்த்திகேயன்.

 

Source - Vikatan Magazine

விலைவாசி எவ்வளவு ஏறினால் என்ன!

விலைவாசி எவ்வளவு ஏறினால் என்ன!

இன்றைக்கு பலரின் மனதை அரிக்கும் கேள்வி, 'விஷமாய் ஏறும் விலைவாசியைச் சமாளிக்க ஏதாவது வழி இருக்கிறதா’ என்பதுதான்! இதற்கு ஒன்றல்ல இரண்டு வழிகள் இருக்கின்றன! முதல் வழி, 'வரவுக்கு ஏற்ற செலவு.’ இரண்டாவது 'செலவுக்கு ஏற்ற வரவு!’
முதல் வழி சிக்கன வழி. சிக்கனமாக வாழ நினைக்கும் இந்த முயற்சி சிறந்த ஒன்றுதான். ஆனால், தினம்தோறும் ஏறும் விலைவாசியில் எவ்வளவு காலம்தான் வயிற்றில் ஈரத்துணியைக் கட்டி சமாளிப்பது!
அப்படிப் பார்க்கும்போது இரண்டாவது வழியை ஏன் முயற்சிக்கக் கூடாது? எவ்வளவு செலவு ஆகிறதோ அதைசம்பாதிக்க நினைப்பதுதான் இன்றைக்குப் பொருத்தமாக இருக்கும்.
செய்துகொண்டிருக்கும் வேலையைத் தாண்டி, கிடைக்கும் நேரத்தையும் வாய்ப்பையும் பயன்படுத்தி எப்படி எல்லாம் எக்ஸ்ட்ரா வருமானத்தைப் பார்க்கலாம்?
 இதோ அப்படி எக்ஸ்ட்ரா வருமானத்துக்கு வழிசெய்து கொண்டிருக்கும் சிலர், தங்களது அனுபவத்தை இங்கே சொல்கிறார்கள்... உங்களுக்குள் ஓர் உத்வேகத்தை அது நிச்சயம் ஏற்படுத்தும். உங்களுடைய வாய்ப்புக்கும் வசதிக்கும் தகுந்த ஒரு வேலையை நீங்களே தேர்ந்தெடுத்து, வருமானத்தைப் பெருக்கிக் கொள்ள அது நிச்சயம் உதவும்.
பிறகென்ன விலைவாசியாவது வெங்காயமாவது!

குழப்பமே உன் பெயர்தான் வரியா? - வருமான வரிக் கணக்கைத் தாக்கல் செய்ய வேண்டும்...

குழப்பமே உன் பெயர்தான் வரியா?

அரசு உத்தரவு... அலறும் மக்கள்!

வருமான வரிக் கணக்கைத் தாக்கல் செய்ய வேண்டும் என்றாலே நம்மில் பலரும் பள்ளிக்கூடத்து குழந்தைகள் மாதிரி அழுவார்கள். வருடத்துக்கு ஒருமுறை அத்தனை ஆவணங்களையும் எடுத்துக் கொண்டு ஆடிட்டரிடம் போய், கணக்குக் காட்டி முடிப்பதற்குள் பலருக்கும் தலை கிறுகிறுத்துவிடும்.
இதுமாதிரி நினைக்கிறவர்களின் காதுகளுக்கு தேன் பாய்ச்சுகிற ஒரு புதிய உத்தரவை பிறப்பித்தது மத்திய அரசு. 'உங்கள் வரிக்கு உட்பட்ட  வருமானம் ஐந்து லட்ச ரூபாய்க்குள் இருக்கும் பட்சத்தில், இனி வருமான வரி கணக்கு தாக்கல் செய்ய வேண்டியதில்லை’ என்பதே அது. மத்திய நேரடி வரி வாரியத்தின் இந்த அறிவிப்பின்படி முடிந்த 2010-11-ம் நிதி ஆண்டில் (வரி கணக்கீட்டு ஆண்டு 2011-12) வரிக்கு உட்பட்ட வருமானம் ஐந்து லட்ச ரூபாய்க்குள் இருந்தால் வரிக் கணக்கைத் தாக்கல் செய்யத் தேவையில்லை.
ஒருவரின் வரிக்கு உட்பட்ட வருமானத்தைக் கணக்கிடுவதற்கு முன் வரித் தள்ளுபடிகள் மற்றும் முதலீட்டுச் சலுகை கள் இருக்கின்றன. வருமான வரிச் சட்டம் 80-சி பிரிவின் கீழ் பி.எஃப்., பி.பி.எஃப்., ஆயுள் காப்பீடு பிரீமியம், வீட்டுக் கடன் திரும்பக் கட்டும் அசல், இ.எல்.எஸ்.எஸ். ஃபண்ட், குழந்தைகளின் கல்விக் கட்டணம் போன்றவற்றுக்கு வரிச் சலுகை இருக்கிறது. மேலும், ஹெல்த் இன்ஷூரன்ஸ் பிரீமியம் 15,000-20,000 ரூபாய். வீட்டுக் கடனுக்கான வட்டி 1.5 லட்ச ரூபாய்க்கும் வரித் தள்ளுபடி இருக்கிறது. மேலே குறிப்பிட்டிருக்கும் முக்கிய முதலீடு மற்றும் செலவுகள் எல்லாம் சேர்த்தால் மொத்த வருமானம் சுமார் 7.5 லட்ச ரூபாய் இருந்தால்கூட, ஒருவரின் வரிக்கு உட்பட்ட வருமானம் ஐந்து லட்ச ரூபாய்க்குள் வந்துவிடும் என்பதால் வரிக் கணக்கைத் தாக்கல் செய்ய வேண்டியது இருக்காது. 
ரிட்டர்ன் கணக்கு தாக்கல் செய்ய வேண்டாம் என்று சொல்லியிருக்கும் மத்திய அரசு, முக்கிய நிபந்தனை ஒன்றையும் போட்டிருக்கிறது. அதாவது, வங்கிச் சேமிப்புக் கணக்கு மூலம் ஒரு நிதி ஆண்டில் பெறப்படும் வட்டி 10,000 ரூபாய்க்குள் இருந்தால் அதை மொத்த வருமானத்தோடு சேர்த்துக் கொள்ள வேண்டும். இந்த விவரத்தை பணிபுரியும் நிறுவனத்திடம் தெரிவிக்க வேண்டும். அவர்கள் அதற்கு வரிகட்ட வேண்டியிருந்தால் வரிப் பிடித்தம் (டி.டி.எஸ்.) செய்து அரசுக்கு கட்டிவிடுவார்கள். இந்த டி.டி.எஸ். விவரம் ஃபார்ம் 16-ல் குறிப்பிடப்படும். இதற்கு பணியாளர் அவரின் பான் எண்ணை பணிபுரியும் நிறுவனத்திடம் கொடுக்க வேண்டும். ஃபார்ம் 16-தான் வருமான வரி கணக்குக்கான ஆதாரம் என்பதால் அதனை நிறுவனத்திடம் கேட்டு வாங்கிக் கொள்வது அவசியம்.
வரிக்கு உட்பட்ட வருமானம் ஐந்து லட்ச ரூபாய்க்கு குறைவாக இருந்தாலும் வேறு சில காரணங்களுக்காக வரிக் கணக்கைத் தாக்கல் செய்ய வேண்டி இருக்கிறது. அதன் விவரம் வருமாறு:
அதிகமாகக் கட்டிய வரியைத் திரும்பப் பெற வேண்டும் (ரீஃபண்ட்) எனில்..!
பணிபுரியும் நிறுவனத்திடமிருந்து ஃபார்ம் 16-ஐ பெறவில்லை எனில்..!
பணியாளர் ஒருவர், ஒரு நிதி ஆண்டில் ஒன்றுக்கு மேற்பட்ட நிறுவனங்களில் வேலை பார்க்கும் பட்சத்தில் வரிக் கணக்கைத் தாக்கல் செய்ய வேண்டும். அந்த நிதி ஆண்டில் சம்பாதித்த மொத்த வருமானத்தை குறிப்பிட்டு ரிட்டர்ன் தாக்கல் செய்ய வேண்டும்!
ஒரு நிதி ஆண்டில் வங்கிச் சேமிப்புக் கணக்கு மூலம் கிடைக்கும் வட்டி 10,000 ரூபாய்க்கு மேல் இருந்தால்..!
வரி பிடிப்பதற்காக வங்கி சேமிப்புக் கணக்கு வட்டி வருமான விவரத்தை பணிபுரியும் நிறுவனத்திடம் கொடுக்காதவர்கள்..!
பங்குகள், ஃபண்டுகள், மனை, வீடு, தங்கம் போன்றவற்றின் விற்பனை மூலமான மூலதன ஆதாயம் இருக்கும் பட்சத்தில் வரி கட்ட வேண்டியதில்லை என்றாலும் வரிக் கணக்கைத் தாக்கல் செய்ய வேண்டியிருக்கும்!
வீட்டு வாடகை வருமானம், பிஸினஸ் அல்லது தொழில் மூலமான வருமானம் இருந்தால் வரிக் கணக்கைத் தாக்கல் செய்ய வேண்டும். 
வரிக் கணக்கு விவரம் தாக்கல் செய்யச் சொல்லி வருமான வரித் துறையினரால் ஏற்கெனவே நோட்டீஸ் பெற்றவர்கள், கட்டாயம் ரிட்டர்ன் தாக்கல் செய்ய வேண்டும்.
2011-12-க்கு (வரிக் கணக்கீட்டு ஆண்டு) முந்தைய ஆண்டுகளுக்கு வரிக் கணக்கைத் தாக்கல் செய்ய வேண்டியவர்கள்..!
''இந்த அறிவிப்பு அதிகம் பேருக்கு பலன் தராது என்றே சொல்ல வேண்டும்'' என்கிறார்கள் பெரும்பாலான ஆடிட்டர்கள். அவர்கள் ஏன் இப்படி சொல்கிறார்கள் என்பதையும் விளக்கமாக எடுத்துச் சொன்னார்கள்.
''அனைத்துப் பணியாளர்களும் பணிபுரியும் நிறுவனத்திடம் சேமிப்புக் கணக்கு வட்டி விவரத்தை தெரிவிப்பார்கள் என்று சொல்ல முடியாது. மேலும், பெரும்பாலோருக்கு பல வங்கிகளில் சேமிப்புக் கணக்கு இருக்கும். அந்த வருமானத்தை எல்லாம் சேர்த்து மொத்தமாகக் கொடுப்பது என்பது சற்று கடினமான காரியமாக இருக்கும்.
மேலும், பல நிறுவனங்களில் ஏற்கெனவே பணியாளர்கள் பற்றாக்குறை இருக்கிறது. இதில் பணியாளர்களின் வங்கிச் சேமிப்பு வட்டி விவரத்தை சேர்த்து ஃபார்ம்-16 தயாரிப்பது, அரசுக்கு வரி கட்டுவது என்பது கூடுதல் பணிச் சுமையை ஏற்படுத்தும் '' என்றார்கள்.
ஒருவருக்கு வீட்டு வாடகை, மூலதன ஆதாய வரி இப்படி ஏதாவது ஒன்று ஒவ்வொரு நிதி ஆண்டிலும் நிச்சயம் இருக்கும். அப்படி இருக்கும் பட்சத்தில் வரிக் கணக்கைத் தாக்கல் செய்ய வேண்டிய நிலை ஏற்படும். எனவே, அரசு இந்த புதிய உத்தரவை இன்னும் எளிமைப்படுத்தி னால் பலருக்கும் பயனுள்ளதாக இருக்கும்.

- சி.சரவணன்

Source - Vikatan Magazine

பங்குச்சந்தை ஆத்திச்சூடி..- 31

பங்குச்சந்தை ஆத்திச்சூடி..

சென்ற வாரம் டிஸ்கவுன்ட் ரேட்டில் பயன்படுத்தப்படும் சில முக்கிய வார்த்தைகளுக்கான அர்த்தத்தைப் பார்த்தோம். இவ்வாரம் 'காஸ்ட் ஆஃப் ஈக்விட்டி’யைக் கண்டுபிடித்து டிஸ்கவுன்ட் ரேட்டை கண்டுபிடிப்போம்.

காஸ்ட் ஆஃப் ஈக்விட்டி கண்டுபிடிக்க உபயோகிக்கப்படும் ஃபார்முலா இதுதான்:      

ஆக, ஃபார்முலாவை நாம் இவ்வாறு சுருக்கலாம்: (RE) = RF + β X (RP)
மேற்கண்ட ஃபார்முலாவில் RFஎன்பது 8.30% என்று எடுத்துக் கொள்வோம். ஏனென்றால் நாம் ஏற்கெனவே கண்டதுபோல நமது இந்திய அரசாங்கத்தின் 10 வருட கடன் பத்திரங்கள் அந்த அளவு யீல்டை தற்பொழுது தந்து கொண்டிருக்கின்றன. ஆகவே, அதுதான் ரிஸ்க் ஃப்ரீ ரேட்.
பீட்டாவை எவ்வாறு கணக்கு செய்வது? அதை கணக்கு செய்வது எப்படி என்பது தனி பாடம் என்பதால், நமது உபயோகத்திற்கு எங்கிருந்து ரெடியாகக் கிடைக்கும் என்று பார்ப்போம். மும்பை பங்குச் சந்தை மற்றும் தேசிய பங்குச் சந்தை இணையதளங்கள் தங்களின் முக்கிய குறியீடுகளில் உள்ள நிறுவனங்களுக்கு, பீட்டாவைக் கணக்கிட்டு வெளியிடுகின்றன. நீங்கள் மதிப்பிட விரும்பும் நிறுவனத்தின் பீட்டா நேரடியாகக் கிடைக்காவிட்டால், அதே துறையைச் சார்ந்த, அதே அளவிலான நிறுவனத்தின் பீட்டாவை பங்குச் சந்தை இணையதளங்களில் இருந்து எடுத்துக் கொள்ளலாம்.
இங்கு நமது தமிழ்நாடு கூரியர் நிறுவனம் போக்குவரத்து மற்றும் லாஜிஸ்டிக்ஸ் துறையைச் சார்ந்தது ஆகும். அத்துறையில் லிஸ்ட் செய்யப்பட்ட நிறுவனங்கள் புளூடார்ட் எக்ஸ்பிரஸ் லிமிடெட் (Blue Dart Express Ltd.), கேட்டி (Gati), ஆல்கார்கோ (Allcargo) போன்ற சில நிறுவனங்கள் ஆகும். நமது தமிழ்நாடு கூரியர் நிறுவனம் செய்யும் தொழிலுடன் நெருங்கி வருவது புளூடார்ட் ஆகும். கிரிஸில் என்ற ரேட்டிங் நிறுவனம் சமீபத்தில் வெளியிட்ட ரிப்போர்ட்டில் புளூடார்ட்டின் பீட்டா 0.7 என கணக்கிட்டுள்ளது. இத்துறையில் இந்தியாவில் இது ஒரு ஜாம்பவான் நிறுவனம் ஆகும். மேலும், இது ஒரு மல்ட்டி நேஷனல் கம்பெனி ஆகும். நமது தமிழ்நாடு கூரியர் நிறுவனம் ஒரு சிறிய நிறுவனமாகும். இதன் ஏற்ற இறக்கம் அதிகமாக இருக்கும் என்பதால், இதனுடைய பீட்டாவை 1.3 என்று எடுத்துக் கொள்வோம். இது நிறுவன சைஸ், துறை, நாடு, புரமோட்டர் போன்ற பலவற்றைக் கொண்டு வேறுபடும்.
அடுத்ததாக நமக்குத் தேவையானது ரிஸ்க் பிரீமியம் ஆகும். ரிஸ்க் ஃப்ரீ ரேட்டைப் போல இரண்டு மடங்கு கிடைத்தால், தொழில்களில் முதலீடு செய்வது நன்மையே. நமது ரிஸ்க் ஃப்ரீ ரேட் 8.30% ஆகும். ஆக, நமது ரிஸ்க் பிரீமியமும் 8.30% என எடுத்துக் கொள்வோம். இது நாட்டைப் பொறுத்து, துறையைப் பொறுத்து, நிறுவன சைஸைப் பொறுத்து வேறுபடும்.
இப்போது நமது தமிழ்நாடு கூரியர் கம்பெனிக்கு காஸ்ட் ஆஃப் ஈக்விட்டி ரெடி:
(RE) = 8.30 + (1.3 X 8.30) = 19.09%
அடுத்து நாம் டிஸ்கவுன்ட் ரேட்டை 'வேக்’ (WACC – Weighted Average Cost of Capital) முறையைக் கொண்டு கண்டுபிடிப்போம். வேக் முறையில் டிஸ்கவுன்ட் ரேட்டை கணக்கிடுவதற்கு நிறுவனத்தின் பங்கு மற்றும் கடன் சதவிகிதம் நமக்குத் தெரிய வேண்டும். நாம் ஏற்கெனவே பார்த்ததுபோல் ஒரு நிறுவனம் தொழில் செய்வதற்கு பணம் இரண்டு வகையில் கிடைக்கிறது - ஒன்று, பங்கு மூலதனம் (E - Equity) வாயிலாக; மற்றொன்று கடன் (D - Debt) வாங்குவதன் மூலமாக. நமது தமிழ்நாடு கூரியர் கம்பெனி வாங்கியிருக்கும் நீண்ட கால கடன் 3.53 கோடி என்றும், அதன் பங்கு மூலதனம் 5.30 கோடி என்றும் வைத்துக் கொள்வோம். இது ஒவ்வொரு நிறுவனத்தின் பேலன்ஸ்ஷீட்டிலும் கிடைக்கும்.
பங்கு மூலதனத்தையும் கடனையும் கூட்டினால் (5.30+3.53) நமக்கு கிடைப்பது 8.83 கோடியாகும். இதன் மூலம் நமது நிறுவனத்தின் பங்கு மூலதன சதவிகிதம் மற்றும் கடன் சதவிகிதம் எவ்வளவு என்று கண்டுபிடித்து விடலாம்.
பங்கு சதவிகிதம் = E/ (D + E) X 100 = (5.30)/(5.30 + 3.53) X 100 = 60%
கடன் சதவிகிதம் = D/ (D + E) X 100 = (3.53)/(5.30 + 3.53) X 100 = 40%
தமிழ்நாடு கூரியர் நிறுவனம் தான் வாங்கியுள்ள கடன்களுக்கு ஆண்டுக்கு 15% வீதம் வட்டி கொடுத்து வருகிறது என்று வைத்துக் கொள்வோம்.  (இன்றைய நிலையில் வங்கிகளும், பெரிய நிறுவனங்களும் ஆண்டுக்கு 10% - 12% வட்டி கொடுத்து வருவதால், நமது கூரியர் நிறுவனத்திற்கு ஆண்டுக்கு 15%-க்கு குறைவாக கிடைக்கவில்லை. வட்டி குறையும் காலங்களில் இந்த வட்டியும் குறைய வாய்ப்பிருக்கிறது.)
வேக் = (காஸ்ட் ஆஃப் ஈக்விட்டி ஜ் பங்கு சதவிகிதம்) + {(கடனிற்கு கொடுக்கும் வட்டி விகிதம் ஜ் கடன் சதவிகிதம்) ஜ் (1 - டேக்ஸ் ரேட்)}
WACC = (Cost of Equity x Percent of Equity) + {(Interest Rate x Percent of Debt) x (1 – Corporate Tax Rate)}
இதுவரை நாம் மேலே கண்டுபிடித்த அனைத்தையும் உபயோகித்து கணக்கு செய்தால், கீழ்க்கண்டவாறு வேக்கை (டிஸ்கவுன்ட் ரேட்டை) கண்டுபிடித்து விடலாம்.
வேக் = (19.09 X 60%) + {(15% X 40%) X (1 - 33.99%)} = 15.41%
ஆக, நமது தமிழ்நாடு கூரியர் நிறுவனத்தின் டிஸ்கவுன்ட் ரேட் 15.41% என கண்டுபிடித்துள்ளோம். இது நிறுவனத்தின் சைஸை, பீட்டாவை, கடன்/பங்கு சதவிகிதத்தை, நிறுவனத்தின் குவாலிட்டியை, வட்டி விகிதத்தைப் பொறுத்து அதிகமாக/குறைவாக இருக்கக்கூடும்.
இதற்கு அடுத்த ஸ்டெப், இந்த டிஸ்கவுன்ட் ரேட்டை உபயோகித்து நமது தமிழ்நாடு கூரியர் நிறுவனத்திற்கு டெர்மினல் வேல்யூ கண்டுபிடிப்பது. அதற்கு முன்பு டெர்மினல் வேல்யூ பற்றி சற்று விரிவாகப் பார்க்கலாம்.  நாம் ஃப்ரீ கேஷ் ஃப்ளோவை அடுத்த ஐந்து வருடங்களுக்கு ஃபோர்காஸ்ட் செய்துள்ளோம். ஐந்து வருடங்களுக்குப் பிறகும் தமிழ்நாடு கூரியர் கம்பெனி நடந்து கொண்டுதான் இருக்கும். ஆக, அதன்பின் வருகிற காலங்களில் உள்ள அந்நிறுவனத்தின் மதிப்பை எவ்வாறு கணக்கில் கொண்டு வருவது? அதற்குத்தான் இந்த டெர்மினல் வேல்யூ. நிறுவனங்களுக்கு அழிவு இல்லை. ஆகவே, தமிழ்நாடு கூரியர் கம்பெனி எதிர்காலத்தில் எப்போதும் ஆபரேஷனில் இருக்கும், மேலும் எப்போதும் வருமானத்தைத் தந்து கொண்டிருக்கும் என எடுத்துக் கொள்வோம். அடுத்த இதழில் டெர்மினல் வேல்யூவைக் கண்டுபிடித்து, டிஸ்கவுன்டட் கேஷ் ஃப்ளோ கண்டுபிடிப்போம்.

(படி ஏறுவோம்)